لماذا يرسب الطلاب فى الامتحانات

والله هالطلاب مظلومين وكل الي حواليهم ظالمينهم

وكل اللوم يقع في الاول والاخير على المدرسين
على طول واجبات وتقارير مش راحمينهم ابدا ياحرام
لسان حال كل طالب يقول : احنا بنفوت المدرسه لنتعلم مو ليضيعولنا وقتنا الثمين في حل واجبات سخيفه وعمل تقارير اسخف
المفروض هالوقت نستغلو احسن استغلال ، فاحنا مثلا لمن اهلنا بيحتاجو اي مساعده على طول بنهب لمساعدتهم، واصلا من غير ما يحتاجو احنا معهم بكل خطوة بيخطوها،،
، وما بنترك برنامج او فيلم بالتلفزيون ما بنشوفو ( ها هم ليش بيغلبو حالهم ويخسرو على الافلام عشان احنا نيجي بالاخير وما ننفعهم؟؟؟)
هاد غير القعده على النت ( بدنا ننزل مواضيع تهم الاعضاء وهي طبعا مية بالميه مش منقوووله مليون مرة ، ظالمينا )ونرد على مشاركاتهم ( لازم التواصل الاجتماعي) ، وما ننسى عشان يكتمل التواصل الاجتماعي مع الاصدقاء فبنضلنا نتواصل معهم على طول اليوم (ولا بدكم نكون اصدقاء على الفاضي؟؟) ، ونمارس حقوقنا اليوميه المهمه لوجودنا على قيد الحياة كالماكل والنوم والراحه و اللف بالاسواق والمولات ...... وغيرها

وفي الاخير بقول اللهم نجح طلاب المدارس والجامعات ووفقهم ونور دربهم واصلح احوالهم
وسامحوني على اسلوبي المتهكم في طرح الموضوع..